افكار لهدايا المواليد كيوت وبسيطه

مرحبا حلوين ..
ان كان عندك قريبتك ولا صديقتك وولدت بس تبين تهدينها شي
غير الهدايا التقليديه للمواليد يعني فيها شي من تصميمك وابداعك
راح اعرض عليكم افكار بسيطه مثلا:
1- البطنيات الناعمه
]
..ممكن تشترين بطانية اطفال عاديه وتضيفين لها شريطه ستان من الاطراف وبعدين تلفينه لف وتربطينها من النص بشكل ورده وتطلع ناعمه مثل هذي الصورة






وممكن تشترين ورق تغليف سولفان او اي ورق تغليف شفاف وتغلفينها بالطريقه هذي :



وفيه طرقه حلوة بعد ..تجيبين سله او سبت صغير وتحطين البطاينه داخله مصفطه وفوقه هدية مثل لعبة قطنيه لل بيبي وتغلفينه بورق شفاف وشريطة




2- لملابس البيبي الداخلية


تجيبين قبعة راس ناعمه وتقلبينها وتحطين داخلها ملابس الطفل الداخليه مع منشفه ملفوفه او بطانيه





3- جهاز تسجيل الصوت للطفل


طبعا تعرفون الجهاز اللي تحطه الأم للطفل في الغرفه اذا نام واللي وظيفته انه ينبه الام اذا الطفل
صحى من النوم وتسمع صوت طفلها من الجهاز الثاني اللي يكون معها..كمان هذا يكون هديه
حلوة ومهمه بعد للأم ..فليش بدل ما تشترينها وتهدينها بنفس علبته انتي بنفسك تسوين له حركه حلوة
والفكرة: انك تجيبين دب وملابس طفل صغير وتلبسينه الدب وتجيبين بطانيه صغيرة وتخلين الدب يحضنه بأنك تجمعين ايدين الدب وتحطينها تحت البطانيه وتخيطينهم وتحطينهم بعلبه مرتبه ومعهم الجهاز







اتمنى تكون عجبتكم الافكار وبعد تراها ماهي مكلفه يعني لو بتشترين هدية طفل من محل معين ومغلفه وحلوة راح تطلع عليك بمبلغ وقدره وادري بتقولون صديقتي ولا اختي تستاهل وما يغلى عليها
بس فكري فيها ان هديتك راح تكون مميزة بلمستك الخاصة ومراح تكون مكررة مثل اللي بالسوق
ومبرووووك لكل ام ربي انعم عليها بمولود ..